Abakungu b’e Mmengo bagenze mu Amerika
Bya Lilian Nalubega
Bukedde Wednesday, 02 September 2009
ABAKUNGU munaana okuva mu kitongole ky’ebyobulambuzi e Mmengo bagenze mu Amerika okwetaba mu lukung’aana lwa Bannayuganda ababeerayo oluvannyuma beetabe mu mwoleso gw’eby’obuwangwa bw’Abaganda ogw’okumala wiiki bbiri mu kibuga Boston.
Minisita w’eby’obulambuzi e Mmengo, Florence Nakiwala Kiyingi bwe yabadde ayogera eri Bannamawulire nga basimbula okuva ku Bulange ku Ssande yagambye nti bakulembeddwaamu Minisita w’olukiiko n’amawulire e Mmengo, Peter Mayiga.
Baakutongoza n’obukiiko munaana obugenda okulondoola emirimu gy’eby’obulambuzi bw’Abaganda mu Bungereza nga bukulemberwamu mutabani w’eyali Katikkiro wa Buganda, Denis Paul Kavuma.
“Mu lugendo luno tugenderera okwongera okunnyikiza ebyafaayo bya Baganda ennono, obulombolombo n’obuwangwa mu baana ba Buganda abazaaliddwa mu mawanga gano abatafunye mukisa kumanya bikwata ku bika byabwe n’eggwanga lyabwe,” Nakiwala bwe yagambye.
Awangaale Ssaabasajja Kabaka Muwenda Mutebi II
