Ebika Ne Mirimu Gyaabyo Mu Buganda

Viewing 5 posts - 31 through 35 (of 35 total)
  • Author
    Posts
  • #27287
    NdibassaNdibassa
    Participant

    [attachment=2420]1290891182rhino_2010-11-30.jpg[/attachment]
    Abenkula be balunzi ba Kabaka

    Bya Mariam Kyabangi

    OMUKULU w’ekika ky’Enkula Owakasolya ayitibwa Muwangi atuula e Kapeeka mu Bulemeezi.

    Akabbiro k’Abenkula katiko ka Nnassogolero.
    Omubala gwabwe guvuga nti, “Wankula tatya takyuka.
    Wankula yambala amayembe, Wankula asimmbye ejjembe”
    Omulimu gw’Abenkula ku Kabaka gwa bulunzi.

    Be baalundanga ente ya Kabaka eyitibwa Namala. Omulimu baagukola nnyo ku mulembe gwa Ssekabaka Kimera.

    Published on: Saturday, 27th November, 2010

    #27316
    NamukaabyaNamukaabya
    Participant

    Abennyange be bakuuma ekyoto Ggombolola

    Bya Mariam Kyabangi

    OMUKULU w’Akasolya
    mu kika ky’ennyonyi Ennyange ye Mbaziira atuula e Bulimu mu Kyaggwe. Akabbiro kaabwe kkunguvvu.

    Omubala gwabwe guvuga nti,
    ‘Bampe omuggo nneewerekeze
    Mu Kyambadde mulimu engo’.

    Emirimu gy’Abennyange ku Kabaka gye gino:
    1. Be bakuuma ekyoto Ggombolola ekisangibwa ku Wankaaki.
    Ekyoto kino kwe balabira nti Omutanda mw’ali alamula.
    Tekizikira okuggyako ng’Omutanda akisizza omukono.
    [attachment=2433]1292078091moro.jpg[/attachment]

    2. Be bakuuma eng’oma entamiivu.
    3. Be baleeta omukyala Nannyange.

    #27385
    NdibassaNdibassa
    Participant

    [attachment=2453]1294499112poooo.jpg[/attachment]

    Abensuma be babajja Nnamulondo
    Kabaka Mutebi II ng’ateredde mu Nnamulondo. Entebe eno ebajjibwa bazzukulu ba Kibondwe, Abensuma

    Bya Mariam Kyabangi

    ENSUMA oluusi eyitibwa kasulubbana oba kasulu. Kino nakyo kika mu bika by’Abaganda 62.

    Akabbiro k’Ensuma kasulubbana akatono.
    Omukulu w’ekika Owaakasolya ayitibwa Kibondwe, atuula e Bukibondwe mu Buvuma.

    Omubala gwabwe guvuga nti, ‘Kibondwe yeddira Nsuma, Kibondwe atambula.’
    Wammanga gye mirimu gy’Abensuma mu Lubiri:

    1. Be bavuga eryato lya Kabaka eriyitibwa Nnakakweya. Eryato eryo lisangibwa Bugerere mu kitundu ekyayitibwanga Bulondoganyi.

    Omuziransuma akuuma eryato eryo ayitibwa Munyagwa Kiwana atuula e Kirindi mu Bugerere.

    2. Be bamyuka abakuuma Mujaguzo. Mujaguzo ng’oma za Kabaka ezikuumibwa Kawuula Owoolugave. Ono amyukibwa Omuziransuma, Kimoomera ow’e Mmanze. Ng’oggyeeko okukuuma Mujaguzo, Kimoomera era ye mugoma amyuka Kawuula.

    3. Era be bamyuka Ssaabawaali w’essenero lya Kabaka.

    4. Bayambako Bannaggunju (Aboobutiko) mu kusanyusa Kabaka nga bayita mu kumuzinira amazina.

    5. Be babajja Nnamulondo, entebe Kabaka kw’atuula. Omulimu ogwo gukolebwa Ssekagga Owensuma ne Ggunju Owoobutiko.

    6. Nabo baggazi ba Kabaka.

    Published on: Saturday, 8th January, 2011

    #45894
    Rardpreog Rardpreogrardpreog rardpreog
    Participant

    posso usare l’italiano or english

    #45931
    Rardpreog Rardpreogrardpreog rardpreog
    Participant

    i am from Italy hello. Can you help me translate? /rardor

Viewing 5 posts - 31 through 35 (of 35 total)
  • You must be logged in to reply to this topic.

Comments are closed.