Jjajja wa Kabaka Mutebi afiiridde e Bungereza

Home Forums Ababaka Website, Noticeboard and Off-Topic Okulanga / Announcements Jjajja wa Kabaka Mutebi afiiridde e Bungereza

  • This topic has 5 voices and 6 replies.
Viewing 7 posts - 1 through 7 (of 7 total)
  • Author
    Posts
  • #18802
    MulongoMulongo
    Participant

    JJAJJA wa Kabaka, Edith Nakazaana, muwala wa Ham Mukasa yafudde.

    Ekiwandiiko ekyafulumiziddwa Omumyuka asooka owa Katikkiro e Mmengo, Emmanuel Ssendawula kyagambye nti yafiiridde London mu Bungereza gy’abadde abeera.

    Bukedde
    Published on: Monday, 8th September, 2008

    #19583
    OmumbejjaOmumbejja
    Participant

    Kitalo nnyo ekya Edith Nakazaana Mukama amuwe ekiwummulo ekyemirembe

    #19585
    MugerekaMugereka
    Participant

    Kitalo nnyo bannange. Mukama asinge okugumya abamubadde okumpi.

    #19595
    JonaJona
    Participant

    Kitalo nnyo eri oBuganda.

    #19598
    MusajjalumbwaMusajjalumbwa
    Participant

    Kitalo nnyo Baganda bange. Mukama amuwummuze mirembe.

    #19629
    MusajjalumbwaMusajjalumbwa
    Participant

    Jjajja wa Kabaka aziikwa nkya
    1221156495zulu.jpg
    Nakazaana

    Bya Paul Kaddu

    JJAJJA wa Kabaka, Edith Nagujja Nakazaana eyafiiridde e Bungereza, aziikibwa enkya ku biggya bya kitaawe Hamu Mukasa e Nassuuti, Mukono.

    Omugenzi Nagujja Nakazaana ye yalabirira Kabaka ebbanga erisinga obunene ng’ali mu Bungereza.

    Omulambo gwe gujja kusooka kusabirwa mu Lutikko e Namirembe akawungeezi ka leero oluvannyuma gutwalibwe e Nassuu-ti, Mukono gy’anaaziikibwa.

    Nagujja Nakazaana yadduka mu Uganda mu 1966 era n’okutuusa kati abadde abeera Bungereza nga yafudde bulwadde bwa aniya. Mwana wa Hamu Mukasa owoomukaaga.

    Yasooka kusoma busomesa mu Buloba TTC gye yava n’agenda mu Bungereza n’akuguka mu by’okutunga era nga yasomesa abantu bangi okutunga mu Uganda naddala abakyala.

    Yazaala omwana omu mu bba Asanansiyo Kironde gwe yagattibwa naye empeta.
    Bukedde
    Published on: Thursday, 11th September, 2008

    #19653
    MulongoMulongo
    Participant

    Kabaka akungubagidde jjajjaawe Nagujja
    1221311799flag.jpg
    Nnaabagereka Nagginda ng’assa ekimuli ku ssaaduuko e Namirembe.

    Bya Nicholas Kajoba

    KABAKA Ronald Mutebi akungubagidde jjajjaawe Edith Nakazaana Nagujja eyasabiddwa mu Lutikko e Namirembe ku mukolo ogwetabiddwako Nnaabagereka Sylvia Nagginda n’Omulangira Jjunju.

    Nakazaana yafiiridde Bungereza mu ddwaaliro lya Kings College wiiki eno bwe yabadde atwaliddwaayo okulongoosebwa haniya.

    Mu kusabira omwoyo gw’omugenzi okwakulembeddwa omulabirizi w’e Mityana eyawummula Wilson Mutebi, abakungubazi n’ababaka baabwe baamutenderezza olw’okubeera omukazi atya Katonda era omukozi.

    Katikkiro J.B Walusimbi mu bubaka bwe obwamusomeddwa minisita w’e Mmengo, Nelson Kawalya yatenderezza omugenzi olw’okukuuma Kabaka Mutebi mu biseera by’akanyoolagano ka 1966.

    “Omugenzi yeeyakuuma n’okulabirira Kabaka Mutebi bwe yali mu buwang’anguse e Bungereza. Obuganda n’abantu ffenna tumusiima olw’ekyo” bwatyo Walusimbi bwe yategeezezza.

    Nakazaana yazaalibwa July, 1921 nga kitaawe ye mugenzi Hamu Mukasa (eyali Ssekiboobo). Yasomera Gayaza High, Buloba TTC n’oluvannyuma n’agenda mu Bungereza. Yakomawo oluvannyuma n’afumbirwa Asanansiyo Kironde. Yaziikiddwa eggulo e Nasuti mu Mukono.
    Bukedde
    Published on: Saturday, 13th September, 2008

    Mukama amuwummuze mirembe.

Viewing 7 posts - 1 through 7 (of 7 total)
  • You must be logged in to reply to this topic.

Comments are closed.