Endabirwaamu ezivuma

[Kalibattanya]

Wali owulidde ko ku ndabirwamu ezimu ezivuma? Ggwe wali otunuddeko mu ndabirwaamu bweeti? Yakugamba ki? Oba wali owulidde omuntu eyerabisa ku ndabirwaamu bweeti mutunyumizeko, nebyeyamugamba.

[Omumbejja]

Kyendowooza nti zino endabirwaamu zisangibwa mu maduuka agatunda engoye naddala nga wetegekera okugenda okuwugako nosalawo okuleeta akasirikitu ka kagoye aka wugirwaamu.
Kati olwokuba obwo Obugoye babukola mu ngoye zinanuuka naawe newewaayo okayingiremu kati bwotunula mu ndabirwaamu nekugamba nti akagoye kewekapise kabulako obutikitiki busatu kapasuke n’ekulabula nti mbeera gwe nandikajeemu mu bwangu ddala nga tebanaba kukagguza nga noku kambala tolina gyogenda kukambalira

[Kulabako]

Endabirwaamu bweziti zijjudde yonna gyebatunda engatto, bwoyingira mu duuka nga olondayo akagatto akasingayo obulungi, anti nabengatto balinga abakola kampeyini okunanuula ezaaabo abalina ebigere ebiwanvu kale naawe notoyagala kugenda mu ziri enanuufu.
Nokwaata gwe kolowooza nti kanakunyumira bwokasulamu ,newekwaata kukatebe nogenda ngo tambula mpola otuuke awali endabirwaamu .Ekulengerera eri n’ekutema akakule n’ekutegeeza nga bwogenda okukambala akagatto ko akalungi okajje emirannamiro otuuke emitweetwe obugere bwekubire enduulu nti otutta okututuga.

Bwoguguba engatto nogigula kwekugenda nge kuwerekeza ebigambo nti obwo obugere obutakula ettaka webunatukira gyolaga, nga butonnya musaayi
Kwekumaliriza nge kulangira nti gwe tolaba kubuli mukolo kuliko omuntu afanana nga gwe olutuuka ku mukolo nge ngatto aziwakulamu nga zimunyweddemu omusaayi.

[Musajjalumbwa]

Nze endabirwaamu nebwenvuma, kasita tenkuba. Kubanga ssebo eyinza okukukuba entiisa nekukyookoza. Ate wano bangamba bwogyaasa obonabona emyaaka musanvu. Nze kyenva seraba. Gwe ate mmanya ntya oba terina lulimi lusongovu enenteeka mu bizibu.

[Author]

Posts