Sigamba Kaliba owaffe owa wano, ngamba ku oli Kalibattanya womu luyimba. Bagamba mu luyimba nti ye muwala eyali asinze okulungiwa mu Buganda. Mbu obusoro nebuzanyira gyaliira, mbu ebinyonyi nga bibukiira gyanyweera. Omwezi mbu gwegomba okumulaba ate ngane njuba yesima okuba naye. Newalyoka wajja ezzike eryamugamba mbu, “Njagala nkutwaale ewaffe, nkuyiggirenga obusolo, nkufumbirenga obunyonyi, nga buli kyoyooya nga ndeeta.” Mbu naye Omulungi tayagalika.
Ye Nampiima bamuyimba nti nga obulungi bwe butegaanya, ebisolo byonna byaggwaayo nga bijja bisaba okumuwasa. Abami bonna nebaggwaayo nabokumitala egyewala. Naye alina munne gweyali ayagala gwennerabidde erinnya gweyali alinda, kubanga bano abalala yabatumiranga mbu “genda omugambe agende, nti era munno takwagala, (simanyi) yeyagalira Lukebera omulangira owe ttendo”(Or something)
Ate ye Nsangi nyina yamukweeka nokumukweeka nga obulungi bwe buli wala, namusibira mu kayumba ku ttale gyeyamutwaliranga emmeere. Laba ezzike bwerigenda limunoonyayo nga lyagala omukulya. Maama wa Nsangi amale ayite ebe kyaalo basimbye amazike olukalala nga bagafukuula embuto, “be fukufukufuku nga temuli Nsangi.”
Gwe olaba ku bonna ani yali asinga obulungi era lwaki?
